"TikTok"da yeni bir gözəllik trendi meydana çıxdı - "tost makiyajı". Bu trendin bu payız ən populyar olmağa bütün şansları var. Sözdə "qızardılmış" makiyaj tərzidir, onun əsas xüsusiyyəti tunc parıltıdır.
HİT.az xəbər verir ki, bunu "Parade" jurnalı yazır.
Tost makiyajının sirri: Kosmetik vasitələrlə yüngül sağlam bir bronzluq effekti yaratmaqdır. Gözəllik ustaları bunun üçün aşağıdakı üsulu tövsiyə edir:
* Əvvəlcə dəri rütubətləndirici kremlə hazırlanır, sonra ton əsası çəkilir.
* Xüsusilə yanaqlarda və alında konturleme edilir.
Parlaqlıq effekti üçün: İstifadə edin:
* Krem bronzer
* İsti tonlu krem allıq
* Qızılı haylayter
* Sağlam parlaqlıq üçün mütləq krem məhsullardan istifadə edin.
Dəri makiyajını bitirmək üçün vizajistlər ağardıcı pudra tövsiyə edir. Onu T-zonasına (alın və burun) çəkin. Təbiət sizə çill bəxş etməyibsə, süni çillərlə də görünüşünüzü tamamlaya bilərsiniz. Bunu qəhvəyi rəngli qaş karandaşı ilə edə bilərsiniz.
Gözlərə istənilən tunc və qəhvəyi çalarlı göz kölgələrini çəkin, kirpiklərə isə sevimli maskaranın bir neçə qatını tətbiq edin. Bu "tost" temasına tam uyğunluq üçün dodaqlara da isti qəhvəyi və ya neytral çalarlı pomada çəkin.
Samir
