Türkiyənin Tokat bölgəsindən Tekirdağa gedən “Tokat Yıldızı” şirkətinə məxsus sərnişin avtobusu Sancaktepe rayonu Paşaköy məhəlləsində maneələrə çırpılıb. Hadisə yerinə polis, təcili tibbi yardım və xilasedici qruplar göndərilib.
Xalqcəbhəsi.az “Anadolu” Xəbər Agentliyinə istinadla bildirir ki, ilkin məlumata görə, 3 nəfər ölüb, 20 nəfər yaralanıb.Yaralılar təcili tibbi yardım əməkdaşları tərəfindən yaxınlıqdakı xəstəxanalara çatdırılıb.
Avtobus kranla hadisə yerindən qaldırıldıqdan sonra yol yenidən hərəkət üçün açılıb.
Hadisə barədə İstanbul Qubernatorluğundan açıqlama verilib. Bildirilib ki, hadisə sürücünün idarəetməni itirməsi nəticəsində baş verib.
Qeyd edək ki, qəza ilə bağlı araşdırma başlanıb.
