“Təmiz ölkəm” devizi altında keçirilən təmizlik aksiyaları çərçivəsində 15 avqust tarixində Ekologiya və Təbii Sərvətlər Nazirliyinin yerli qurumlarının, yerli icra hakimiyyəti orqanlarının, bələdiyyə nümayəndələrinin və sakinlərin iştirakı ilə Qubadlı şəhəri ərazisində, Kürdəmir rayonu H.Cavid küçəsində, Goranboy rayonu Aşağı Ağcakənd, Ağdam rayonu Quzanlı qəsəbələrində, Qax rayonu Qax meşəbəyliyində təmizlik aksiyaları keçirilib, ərazilər 2.2 tondan artıq tullantıdan təmizlənib.
Ekologiya.az bildiriir ki, təmizlik aksiyalarının keçirilməsində məqsəd vətəndaşların təbiətə daha məsuliyyətlə yanaşmasına nail olmaq, tullantıları düzgün idarə etmək vərdişi və ictimai məsuliyyət hissi formalaşdırmaqdır.
