Macarıstan yüksək liqasında 4-cü turun oyunları keçirilir.
QOL.az xəbər verir ki, UEFA Çempionlar Liqasının pley-off mərhələsində “Qarabağ”ın rəqibi olan “Ferensvaroş” mərkəzi görüşdə “Akademiya Puşkaş” komandasını qəbul edib və 1:2 hesabı ilə uduzub. Bu qələbə sayəsində “Akademiya Puşkaş” xalını 9-a çatdırmaqla liderliyə yüksəlib, “Ferensvaroş” isə (7 xal) üçüncü pilləyə düşüb.
“Ferensvaroş”dan qolu Kadu (24-cü dəq), “Akademiya Puşkaş”dan isə Lukacs (20, 71) vurub.
Xatırladaq ki, “Ferensvaroş”la “Qarabağ” arasında ilk oyun avqustun 19-u Budapeştdə, cavab matçı avqustun 27-si Bakıda keçiriləcək.
