Ryazan vilayətinin qubernatoru Pavel Malkov bildirib ki, 18 avqust, bazar ertəsi, “Elastik” silah zavodunda baş vermiş partlayış nəticəsində həlak olanlar üçün matəm günü elan edilib. O, deyib ki, şənbə günü ölənlərin sayı 11 nəfərə çatıb və hazırda hadisə yerində dağıntıların təmizlənməsi davam edir.
Qubernator bildirib ki, partlayış cümə səhəri, zavodun partlayıcı və aviasiya silahları istehsal edən toz emalı sexində baş verib. Hadisə zamanı yanğın və partlayış olub, sexin binası tamamilə dağılıb. İlkin məlumatlara görə, partlayışın səbəbi təhlükəsizlik qaydalarının pozulması olub.
Əməliyyat qərargahı bildirib ki, hadisə zamanı 130 nəfər xəsarət alıb, onlardan 29 nəfər xəstəxanaya yerləşdirilib.
Qubernator vurğulayıb ki, matəm günü ilə bağlı regionda bayraqlar endiriləcək, mədəniyyət müəssisələrinə, televiziya və radio kanallarına, həmçinin təşkilatlara əyləncə tədbirlərini və proqramlarını ləğv etmələri tövsiyə edilib.
AzPolitika.info
