Rusiya və ABŞ prezidentləri Vladimir Putinlə Donald Tramp mətbuat konfransında sinxron tərcümə ilə anlaşacaqlar.
"Report" bu barədə xarici mediaya istinadən xəbər verir.
Görüşün nəticələrinə dair liderlərin çıxışı üçün Elmendorf-Riçardson hərbi bazasında "Arctic Warrior" konqres mərkəzinin otaqlarından biri hazırlanıb.
Kiçik səhnədə iki tribuna quraşdırılıb, zalda isə Rusiya və Amerika mediası nümayəndələri üçün stullar yerləşdirilib. Ümumilikdə, zal təxminən 200 jurnalist, o cümlədən teleoperatorlar üçün nəzərdə tutulub. Stulların yanına tərcümə üçün qulaqlıqlıqlar yerləşdirilib.
Liderlər də bir-birlərini qulaqlıqlar vasitəsilə sinxron tərcümədə eşidə biləcəklər.
Qeyd edək ki, liderlərin görüşü 3 satadan çoxdur, davam edir və tezliklə bitməsi gözlənilmir.
