ABŞ Venezuelanın dövlət başçısı Nikolas Maduroya məxsus aktivlərdən ibarət təxminən 700 milyon dollar dəyərində əmlakı müsadirə etdiyini açıqlayıb. Bu barədə ABŞ-ın baş prokuroru vəzifəsini icra edən Pam Bondi məlumat verib.
Bondi Fox News telekanalına verdiyi müsahibədə qeyd edib ki, müsadirə olunan aktivlər arasında lüks malikanələr, təyyarələr, avtomobillər, zinət əşyaları və at ferması da var. O həmçinin Sinaloa Karteli və “Aragua Treni” kimi təşkilatlarla əlaqəli fəaliyyətlərin mütəşəkkil cinayətkarlıq çərçivəsinə daxil olduğunu vurğulayıb.
Bu diqqətlə planlaşdırılmış əməliyyatla ABŞ Maduroya qarşı təzyiqi ciddi şəkildə artırıb. Elə bu addımdan dərhal sonra ABŞ Prezidenti Donald Tramp ABŞ Silahlı Qüvvələrinə xaricdə kartellərə qarşı əməliyyatlar keçirmək barədə göstəriş verib. Bu addım xüsusilə Latın Amerikasında “Monroe Doktrinası” müzakirələrini yenidən gündəmə gətirib.
Təxminən 700 milyon dollar dəyərində olan aktivlər aşağıdakı kimidir:
Dominikan Respublikasında yerləşən bir malikanə
Florida ştatında bir neçə lüks ev
İki şəxsi təyyarə
At ferması
Doqquz ədəd lüks avtomobil
Milyonlarla dollar dəyərində nağd pul və zinət əşyaları
ABŞ administrasiyası bundan əlavə Maduronun tutulmasına görə təyin olunan mükafatı da 50 milyon dollara qaldırıb.
Vaşinqton Nikolas Maduronu dünyanın ən böyük narkotik baronlarından biri kimi qiymətləndirir.
