“WhatsApp” zənglərin qismən məhdudlaşdırılmasına münasibət bildirib
Ajans.az WhatsApp şirkətinə istinadən xəbər verir ki,istifadəçilərin qorunduğunu və messencer daxilində ünsiyyətin tam şifrələnir. Şirkətin “Instagram” hesabında paylaşdığı açıqlamada bildirilib ki, “WhatsApp”dakı ünsiyyət başdan-ayağa şifrələmə ilə qorunur və istifadəçilərin məlumatları təhlükəsizdir. Nümayəndələr həmçinin qeyd ediblər ki, platformada ünsiyyətin bütün dünyada, o cümlədən Rusiyada fasiləsiz davam etməsi üçün əllərindən gələni edəcəklər. Bundan əvvəl Telegram də Rusiyada məşhur messencerlərdə zənglərin məhdudlaşdırılması qərarına münasibət bildirmişdi. Şirkət platformada müfəssəl məxfilik parametrlərinin tətbiq olunduğunu və istifadəçilərin kimdən zəng qəbul edəcəyini seçə bildiyini açıqlamışdı. Avqustun 13-də Roskomnadzor WhatsApp və Telegram-da zənglərin qismən məhdudlaşdırıldığını elan edib. Bu tədbirin əsas məqsədi dələduzluq halları ilə mübarizədir. Rəqəmsal İnkişaf Nazirliyi isə bildirib ki, platformalar Rusiya qanunvericiliyinə uyğun hərəkət etdikdə səsli zənglərə çıxış bərpa olunacaq.
