Əməliyyatlarını genişləndirməyə hazırlaşan və tənqidlərə baxmayaraq, ABŞ prezidenti Donald Trampın qəzzalıları başqa ölkələrə deportasiya etmək planını həyata keçirməyə davam edən İsrailin Cənubi Sudanla danışıqlar apardığı bildirilir.

Reyting.az xəbər verir ki, məsələdən xəbəri olan altı müxtəlif mənbə danışıqların getdiyini təsdiqləsə də, onun hansı mərhələdə olduğunu açıqlamayıblar.

İsrail Xarici İşlər Nazirliyi şərh verməkdən imtina edib, Cənubi Sudanın Xarici işlər naziri də suallara cavab verməyib. ABŞ Dövlət Departamenti də özəl diplomatik danışıqları şərh etmədiyini bildirib.

İsrailin regiondan kütləvi miqrasiyanı təşviq etmək planının bir hissəsi kimi digər Afrika ölkələri, o cümlədən Sudan və Somali ilə oxşar köçürmə planları ilə bağlı müzakirələr apardığı məlumdur.

İsrailin baş naziri Binyamin Netanyahu son açıqlamasında, "Qəzza xalqının Qəzzanı tərk edib başqa yerlərə köç etməsinə icazə verəcəyik",- deyərək, sözügedən planlara reaksiyanı azaltmaq istəyib.

E. KAMAL