ain.az xəbər verir, Yeniavaz saytına əsaslanaraq.
Məşhur prodüser Cerri Brukhaymer Conni Depp ilə “Karib dənizinin quldurları” franşizasının altıncı filmi ilə bağlı danışıqlar aparır.
Yeniavaz.com xəbər verir ki, o bu barədə “Entertainment Weekly”ə danışıb.
Prodüser deyir ki, əgər aktyor ssenaridən razı qalsa, “kapitan Cek Sperrou” obrazını yenidən canlandırmağa hazırdır.
“Əgər ona obrazın yazılı forması xoş gələrsə, düşünürəm ki, razılaşacaq,” – deyə 81 yaşlı Brukhaymer qeyd edib.
Qeyd edək ki, Conni Depp ilk dəfə “Cek Sperrou” rolunu 2003-cü ildə “Karib dənizinin quldurları: Qara mirvarinin lənəti” filmində canlandırıb və daha sonra dörd davam filmində rol alıb. 2022-ci ildə aktyorun nümayəndəsi onun franşizaya qayıtmayacağını açıqlasa da, 2023-cü ildə aktyora yaxın mənbə onun yeni layihələrdə iştirak edə biləcəyini demişdi.
Prodüser dəqiqləşdirib ki, “Disney” hazırda iki film üzərində işləyir — franşizanı yenidən işə salacaq layihə və Marqo Robbinin iştirakı ilə ayrıca film.
Daha ətraflı məlumat və yeniliklər üçün ain.az saytını izləyin.
