Yeddi dövlət başçısı Trampı Nobel Sülh Mükafatına namizəd göstərib
Ağ Ev ABŞ prezidenti Donald Trampın Nobel Sülh Mükafatına namizədliyini irəli sürən 7 ölkənin siyahısını dərc edib. Bəyanatın mətni administrasiyanın X sosial şəbəkəsindəki səhifəsində dərc olunub.
Siyahıya İsrailin baş naziri Benyamin Netanyahu, Kambocanın baş naziri Hun Sen, Azərbaycan prezidenti İlham Əliyev, Ermənistanın baş naziri Nikol Paşinyan, Qabon prezidenti Bris Oliqi Nqema, Ruandanın xarici işlər naziri Olivye Nduhungirehe və Pakistan hökuməti daxildir.
İyulun 24-də respublikaçı konqresmen Buddi Karter Nobel Komitəsinə rəsmi məktub göndərərək Donald Trampa Sülh Mükafatının verilməsini təklif edib. Bundan bir qədər əvvəl Pakistan hökuməti də ölkənin Hindistanla münaqişəsinə “diplomatik müdaxilə” üçün cənab Trampı bu mükafata namizəd göstərmişdi. ABŞ prezidentinin özü bu mükafata layiq olduğunu bildirsə də, onun sözlərinə görə, bu, “yalnız liberallara verilir”.
