ABŞ-nin Kaliforniya ştatının Santa-Rosa şəhərində keçirilən müsabiqədə iki yaşlı tüksüz ingilis-fransız buldoq qarışığı it, Petuniya, “dünyanın ən çirkin iti” titulunu qazanıb.
Redaktor.az bu barədə xarici mediaya istinadla xəbər verir.
Müsabiqədə Petuniya on digər iştirakçını, o cümlədən 8 yaşlı Çin tükü olmayan iti və 13 yaşlı çixuaxuanı üstələyib. İtin sahibi Şennon Neyman $5 200 məbləğində pul mükafatı qazanıb.
Sahibi bildirir ki, it tüksüz olsa da, çox mehriban və insanlarla ünsiyyəti sevir. Mükafat olaraq Petuniya məhdud seriyalı pivə qutularında da yer alacaq.
Nuriyyə NATİQQIZI
