ABŞ Xəzinədarlıq katibi Scott Bessent bildirib ki, Federal Ehtiyat Sistemi (FED, ABŞ Mərkəzi Bankı) sentyabr ayında 50 baza bəndi (0,50 faiz bəndi) faiz endirimi etmək imkanını qiymətləndirməlidir.
Marja xəbər verir ki, ABŞ-da açıqlanan inflyasiya rəqəmləri narahatlıqlarını azaldıb. Bu isə sentyabr ayında FED-in faiz endiriminə gedəcəyi gözləntilərini artırıb və qlobal səhm bazarları bu ümidlər ilə rekord səviyyələrə çatıb.
MSCI All Country World indeksi indiyədək ən yüksək səviyyəsinə çatıb. S&P 500 isə günü 1,13% artımla olmaqla rekord səviyyədə başa vurub.
Asiyada isə Yapon Nikkei 225 indeksi zirvəyə çatıb, Tayvan birjası rekorda yaxın səviyyədədir.
Bazar volatilliyi azalıb
Wall Street-in “qorxu göstəricisi” kimi tanınan Cboe Volatility Index dekabr ayından bu yana ən aşağı səviyyəyə geriləyib.
Faiz endirimi gözləntiləri artır
Bazarlarda Fed-in gələn ay faiz endiriminə gedəcəyi gözləntisi güclənir. Sentyabr ayında 0,25 faiz bəndi endirim ehtimalı svop bazarlarda təxminən 90% qiymətləndirilir. Fed-in sentyabrda 0,25 faiz bəndindən çox endirim endirəcəyi gözləntisi də artır.
BlackRock-dan Rick Rieder qeyd edib:
"İnflyasiya bir çoxlarının qorxduğundan daha aşağıdır. Nəticədə, FED-in sentyabr ayında faiz endiriminə başlamasını gözləyirik və 0,50 faiz bəndi endirim də haqlı ola bilər."
