“Avropa Liqasının qrup mərhələsinə vəsiqəni artıq təmin etmişik. Bu, bizim üçün əhəmiyyətli mərhələdir”.
Msport.az xəbər verir ki, bunu “Ferensvaroş”un futbolçusu Szalai Qabor deyib.
25 yaşlı müdafiəçi UEFA Çempionlar Liqasının pley-off mərhələsində “Qarabağ” önündə şanslarını dəyərləndirib: “Çempionlar Liqasının əsas mərhələsinə yüksəlmək üçün daha bir mərhələ qalır. Pley-offdakı rəqibimiz “Qarabağ”la bir neçə il əvvəl qarşılaşmışıq və onların necə güclü komanda olduğunu bilirik. Lakin bu turnirdə irəliləmək istəyirik”.
Qeyd edək ki, “Qarabağ”la “Ferensvaroş” arasında ilk oyun avqustun 19-da Budapeştdə, cavab görüşü isə ayın 27-də Bakıda keçiriləcək.
