“Threads” sosial şəbəkəsinin aylıq aktiv istifadəçilərinin sayı 400 milyonu keçib, bu barədə Mark Zukerberq və “Instagram”ın rəhbəri Adam Mosseri məlumat yayıb. 2025-ci ilin birinci rübünün nəticələrinə görə, sosial şəbəkənin orta hesabla ayda 350 milyon istifadəçisi olub.
Xatırladaq ki, “Threads” tətbiqi 6 iyul 2023-cü ildə istifadəyə verildib, veb-versiyası isə avqustda işə salınıb. 2025-ci ildə sosial şəbəkə reklam və şəxsi mesajlar kimi funksiyaları sınaqdan keçirməyə başlayıb.
İlon Mask (“X”in sahibi) 2024-cü ilin may ayında sosial şəbəkənin aylıq 600 milyon aktiv istifadəçisi olduğunu açıqlayıb. “Fast Company”nin istinad etdiyi “Similarweb”ə görə, “Threads” tətbiqinin 2025-ci ilin iyun ayında gündəlik 115.1 milyon istifadəçisi olub ki, bu da illik müqayisədə 128% çoxdur. Qeyd edək ki, “X”in günlük 132 milyon istifadəçisi var və bu, illik müqayisədə 15% azdır.
