Prezident Donald Tramp sülhü prioritet edərək, razılaşmalar əldə etmək istədiyini bildirir.
Day.Az-ın məlumatına görə, bunu ABŞ Dövlət katibi Marko Rubio deyib.
Onun sözlərinə görə, son zamanlarda əldə olunan sülh razılaşmaları Trampın fəaliyyətinin nəticəsidir.
"O, sülhün prezidenti olmaq istədiyini bəyan edib. Beləliklə, hər hansı bir dəyişiklik edə biləcəyimiz münaqişə gördükdə, işə qarışırıq və bu baxımdan yaxşı uğur qazanırıq. Hindistan - Pakistan, Tailand - Kamboca, eləcə də bir neçə gün əvvəl Azərbaycan və Ermənistan arasında imzalanmış sülh sazişi buna misaldır", - deyə Rubio əlavə edib.
