Şimali Koreyanın (KXDR) Xarici İşlər Nazirliyi İsraili Qəzza şəhərinin bütün ərazisini nəzarət altına almaq planına görə qınayıb və Qəzza sektorundan çıxmağı tələb edib.
Ölkə.Az xəbər verir ki, bu barədə Koreya Mərkəzi Teleqraf Agentliyi (CTAK) KXDR Xarici İşlər Nazirliyinin rəsmi nümayəndəsinin bəyanatına istinadən məlumat verib.
Diplomat bildirib: “İsrail kabinetinin Fələstin Qəzza sektorunu tamamilə ələ keçirmək qərarı açıq şəkildə beynəlxalq hüququ pozur və beynəlxalq səviyyədə tanınan Fələstin torpaqlarını ələ keçirmək məqsədini nümayiş etdirən quldurluq mahiyyətini göstərir.”
Pхenyan Qəzza sektorunun ərazi və əhalisinin tərkibini dəyişdirmək üzrə birtərəfli cəhdləri qəbuledilməz sayır.
KXDR Xarici İşlər Nazirliyinin rəsmi nümayəndəsi bildirib: “İsraildən dərhal Fələstinlilərə qarşı qanunsuz hərbi hücumu dayandırmasını və Qəzza sektorundan tam çıxmasını qətiyyətlə tələb edirik”.
