Ekspertlər: Döyüşlər əvvəlkilərdən daha qanlı ola bilər...
Poliqon xəbər verir ki, Foreign Policy nəşrinin məlumatına görə, İsrailin dekabr ayına qədər, hətta avqustun sonunda belə İranla yeni müharibəyə başlaması ehtimalı mövcuddur.
Məlumata əsasən, İran gözlənilən hücuma hazırlaşır və bu dəfə ilk andan qəti zərbə endirəcəyini planlaşdırır. Bununla Tehranın məqsədi “İsrailin hərbi üstünlüyünə tabe edilə biləcəyi” barədə bütün ümidləri aradan qaldırmaqdır. Bu səbəbdən, qarşıdakı müharibənin əvvəlkilərdən daha qanlı olacağı bildirilir.
İsrail isə, İranın uranın zənginləşdirilməsini bərpa edib-etməməsindən asılı olmayaraq, onun raket arsenalını artırmasına, hava hücumundan müdafiə sistemlərini bərpa etməsinə və təkmilləşdirilmiş silah sistemlərini yerləşdirməsinə vaxt vermək niyyətində deyil. Bu isə o deməkdir ki, İran artıq hərbi resurslarını bərpa etməyə başladığından, İsrail üçün tezliklə hücum etmək üçün əlavə stimul yaranır.
Poliqon.info
