Pentaqon cinayətlə mübarizə üçün Vaşinqtona Milli Qvardiya 800 əsgər göndərir
ABŞ Pentaqon cinayətkarlıqla mübarizə üçün Vaşinqtona 800 Milli Qvardiya əsgəri göndərib.
"Bu gün Kolumbiya Dairəsində Təhlükəsiz və Gözəl İşçi Qrupunun bir hissəsi olaraq təxminən 800 hərbçi yerləşdirilib, onlardan təxminən 100-200-ü hüquq-mühafizə orqanlarına dəstək verir", Pentaqonun saytındakı bəyanatda deyilir.
Qoşunlar inzibati və maddi-texniki təminat funksiyalarına cavabdehdir, habelə hüquq-mühafizə orqanlarının əməkdaşlarına dəstək verir.
Pentaqonun katibi Pit Heqset bildirib ki, digər bölmələr də əməliyyatda iştirak etməyə hazırdır. Onun sözlərinə görə, Milli Qvardiyanın qoşunları “güclü və möhkəm” olacaq.
Bundan əvvəl ABŞ prezidenti Donald Tramp Milli Qvardiyanın Vaşinqtona göndərildiyini açıqlamışdı.
