Hamiləlik hər mövsümdə diqqət tələb edən prosesdir, lakin yay aylarında bu həssaslıq daha da artır.
Pravda.az bildirir ki, isti havalarda hamilələrin özlərini və körpələrini rahat və sağlam saxlamaq üçün bir sıra tədbirlər görməsi tövsiyə edilir.
Bol su için: Gün ərzində ən az 2,5 litr su qəbul edin, suyunuzu meyvələrlə ləzzətləndirə bilərsiniz.
Sağlam qidalanın: Yağlı və ağır yeməklərdən uzaq durun, mövsüm meyvə-tərəvəzlərini və zülal mənbələrini rasionunuza əlavə edin.
Sərin qalın: Tez-tez duş alın, günün ən isti saatlarında (11:00–16:00) çöldə olmayın.
Ayaqlarınızı qoruyun: Ödəmin qarşısını almaq üçün ayaqlarınızı yuxarıda saxlayın və rahat ayaqqabılar seçin.
İdman hərəkətləri edin: Səhər və ya axşam saatlarında yürüyüş, üzgüçülük və ya yoga edə bilərsiniz.
Yüngül geyinin: Açıq rəngli, pambıq və rahat paltarlar seçin.
Dincəlin və yaxşı yatın: Gecə yuxu rejiminə diqqət edin, gün içində istirahət edin.
Bu sadə, amma təsirli addımlar həm ananın, həm də körpənin yay aylarını daha rahat keçirməsinə kömək edir.
Əminə Bayramova
