Balanssız qidalanma, hərəkətsizlik və uzun müddət zöünü internetə həsr etmə uşaqlarda piylənmə və insulin müqaviməti riskini artırır.
Hafta.az-ın yazdığına görə, Qaziantep Özəl Hatəm Xəstəxanasının pediatrı Dr.Bilgə Tütüncülər piylənmə və insulin müqavimətinin təkcə böyükləri deyil, uşaqları da təhdid edən ciddi sağlamlıq problemlərinə çevrildiyini bildirib. Tütüncülər, "Piylənmə bu gün bütün dünyanı təsir edən əhəmiyyətli bir sağlamlıq problemidir. Piylənmə uşaqlarda və ya böyüklərdə bədəndə artıq piylərin yığılmasıdır. Bu, sağlamlığımıza mənfi təsir göstərir. Bədəndə yağ toxuması artdıqca insulin müqaviməti də yaranır. İnsulin müqaviməti artdıqca bədən daha çox yağ yığmağa başlayır, pis bir dövrə yaradır. Buna görə də uşaqların sağlamlığında insulin müqaviməti tez-tez irəliləyir. İnsulin müqavimətinin əlamətlərinə bel ətrafında yağ artımı, tez-tez aclıq hissi və həddindən artıq şəkər istəyi, yeməkdən sonra yuxululuq, gün ərzində daimi yorğunluq, qoltuqaltı və boyun nahiyələrində tünd ləkələr (akantoz nigricans) daxildir” deyib.
Dr. Tütüncülər bildirib ki, ailə böyüklərində piylənmə və ya insulin müqaviməti varsa, uşaq bu vəziyyətə meylli ola bilər. Gündəlik bir saatdan az fiziki fəaliyyət göstərən uşaqlarda insulin müqaviməti riski yüksəkdir. Gündə iki saatdan çox ekran qarşısında (planşet, telefon, televizor və sair.) vaxt keçirmək bu riski artırır. “Yaşa görə dəyişsə də, ümumiyyətlə, uşaqların 9-11 saat yatmalıdır. Gec yatma və ya çox az yatmaq insulin müqavimətinin yolunu aça bilər. Bundan əlavə, uşaqlarda D vitamini 30-dan yuxarı olmalıdır. Bu vitaminin çatışmazlığını önləmək üçün liflə zəngin qidalara üstünlük verilməli, yemək vaxtları nizamlı olmalı, uşaqlara gündə ən az bir saat idman etmələri təşviq edilməlidir. Ailədə sağlam qidalanma vərdişləri varsa, uşaqlar onları mənimsəyəcəklər. Evdə sağlam qəlyanaltıların saxlanması uşaqların ləzzətli qidalara keçməsinin qarşısını alır. Heç bir şikayət olmasa belə, müntəzəm sağlamlıq yoxlamaları və pediatrla müntəzəm müayinələr vacibdir. Boy və çəki nəzarət edilməli, lazım gəldikdə qan analizləri aparılmalıdır” deyən Dr. Tütüncülər piylənmənin müalicəsi ilə bağlı da məlumat verib. Bildirib ki, müalicə uşağın vəziyyətinə görə dəyişir. Yüngül hallarda həyat tərzinin dəyişməsi təkbaşına kafi ola bilər. Orta və ağır hallarda dietoloq dəstəyi, bəzi hallarda isə dərman müalicəsi lazımdır. Bütün proseslər isə mütləq həkim nəzarəti altında aparılmalıdır.
