Zəngilanda yanğın törədən şəxs saxlanılıb
Polis əməkdaşları avqustun 10-da Zəngilan şəhərində yanğın törədən şəxsin kimliyini müəyyən ediblər.
Azərbaycan Daxili İşlər Nazirliyinin mətbuat xidmətinin regional qrupundan verilən məlumata görə, araşdırma zamanı yanğına 1985-ci il təvəllüdlü Vüsal Alpanahov tərəfindən ehtiyatsızlıqdan səbəb olduğu məlum olub.
Hadisə nəticəsində 5 min hektar sahədə biçilmiş taxıl və kol-kos yanıb.
Hadisəni törətmiş V.Alpanahov saxlanılıb. Onun barəsində inzibati tədbirlər görülüb.
Faktla bağlı rayon polis şöbəsində araşdırmalar davam etdirilir.
