Məşhur müğənni Özcan Deniz yenidən ailəsi arasında yaşanan gərginliklə gündəmə gəlib.
BAKU.WS xəbər verir ki, sənətçinin anası Kadriye Deniz oğlunun ona baxmadığını bildirib.
"Milyonlar qazanır, amma onun mənə verdiyi qiymət 20 min türk lirəsidir. Yalvardım, 20 min türk lirəsindən artıq pul göndərmədi. Köhnə bir evə köçdüm. İçində heç bir mebel də yox idi. Özcan Samarın ailəsi üçün təzə mebel alarkən, mən ikinci əl mebel aldım. Evi özüm sildim, süpürdüm və təmizlədim. Mənim 70 yaşım var. İndi Aydında məskunlaşmışam. Kaş mənim öz qazancım olaydı və bu vəziyyətdə olmayaydım. Gözüm onun pulunda olsaydı, ona evlənsin deyə təzyiq göstərməzdim. "Kranı bağladım" deyir. Özcan arvadını baş tacı edib, bizə başmaq qədər dəyər vermir"
