Naxçıvan, 11 avqust, AZƏRTAC
Naxçıvan şəhərində su xəttində qəza vaş verib.
AZƏRTAC-ın bölgə müxbiri xəbər verir ki, qəza şəhərin Əliqulu Qəmküsar küçəsini içməli su ilə təmin edən magistral xətdə qeydə alınıb.
Qəzanın fəsadlarının aradan qaldırılması ilə əlaqədar bu gün saat 10:30-dan həmin küçənin müəyyən hissəsinə suyun verilməsində fasilə yaranıb.
Bildirildiyinə görə, təmir-bərpa işləri gün ərzində yekunlaşdırılacaq və suyun əvvəlki rejimlə verilişi bərpa olunacaq.
