BAKI, 10 avqust. TELEQRAF
Bu gün Britaniyaya məxsus "F-35" səssiz qırıcısı texniki nasazlıq səbəbindən Yaponiyanın cənub-qərbindəki Kaqoşima hava limanında fövqəladə eniş edib.
Teleqraf xəbər verir ki, bu barədə “Kyodo” agentliyi məlumat yayıb.
Yaponiya hava limanı rəsmilərinin verdiyi məlumata görə, hadisə yerli vaxta səhər 11:30 radələrində baş verib. Nəticədə hava limanında uçuş-eniş zolağı təxminən 20 dəqiqə bağlandığından bəzi kommersiya uçuşlarının gediş və gəlişlərində fasilə yaranıb.
Hadisə nəticəsində xəsarət alan olmayıb.
