BAKI, 10 avqust. TELEQRAF
Uruqvay millisinin hücumçusu Darvin Nunyes Səudiyyə Ərəbistanının "Əl-Hilal" klubuna keçib.
Teleqraf xəbər verir ki, bu barədə Ərəbistan klubu rəsmi məlumat yayıb.
26 yaşlı forvardın son klubu “Liverpul” olub. O, 2022-ci ildən İngiltərə tımsilçisinin heyətində yer alıb.
Uruqvaylı İngiltərə Premyer Liqasının ötən mövsümündə 30 matçda iştirak edib, 5 qol vurub və iki məhsuldar ötürmə edib. O, UEFA Çempionlar Liqasında PSJ ilə 1/8 finalın cavab matçında penaltilər seriyasında qeyri-dəqiq zərbə ilə yadda qalıb.
“Transfermarkt” portalında təqdim edilən məlumata görə, futbolçunun transfer qiyməti 45 milyon avrodur.
