Ukrayna Təhlükəsizlik Xidməti (UTX) bildirib ki, avqustun 9-da səhər uzaq mənzilli pilotsuz təyyarələri vasitəsilə Tatarıstanda “Şahed” hücum pilotsuz təyyarələri və onlar üçün xarici komponentlərin saxlandığı terminala hücum edib.
Yeniavaz.com xəbər verir ki, UTX-nin məlumatına görə, anbar Qzıl Yul kəndində (“Şəhed”lərin yığıldığı Yelabuqadan təxminən 30 kilometr aralıda) yerləşir.
Xüsusi xidmət qeyd edib ki, hücumun videosuna əsasən, dron logistika mərkəzinin binasına düşüb, bundan sonra yanğın başlayıb.
UTX bildirib ki, Rusiya hər gecə “Şahed” pilotsuz təyyarələri ilə Ukraynaya hücum edir, buna görə də bu cür pilotsuz təyyarələri saxlayan anbarlar qanuni hərbi hədəflərdən biridir.
Rusiya Müdafiə Nazirliyi avqustun 9-da səhər saatlarında Tatarıstanda Ukraynaya məxsus 3 pilotsuz təyyarənin vurulduğunu bildirib. Respublika rəsmiləri bildiriblər ki, Tatarıstanın Tukaevski rayonunda tikintidə (UTX-nin dediyi terminal da bu rayonda yerləşir) üç pilotsuz təyyarənin qalıqları aşkar edilib. Administrasiyanın məlumatına görə, hücum nəticəsində xəsarət alan olmayıb.
