ain.az, Bizimyol saytına istinadən bildirir.
Ukrayna Təhlükəsizlik Xidmətinin (UTX) “A” Xüsusi Əməliyyat Mərkəzinin pilotsuz təyyarələri istifadəyə hazır “Şahed”lərin, eləcə də onlar üçün xarici komponentlərin saxlandığı logistika qovşağına düşüb.
Bizimyol.info xəbər verir ki, bu barədə UTX-nun mətbuat xidməti məlumat yayıb.
Qeyd olunur ki, anbar Tatarıstan Respublikasının Qızıl-Yul qəsəbəsində yerləşir.
"Videoda UTX-nun "A" Xüsusi Əməliyyat Mərkəzinin pilotsuz təyyarəsinin logistika qovşağının binasına necə dəydiyi göstərilir. Partlayışdan sonra yanğın başlayıb. Yeri gəlmişkən, Rusiya-Ukrayna sərhədindən məhvetmə məntəqəsinə qədər olan məsafə təxminən 1300 km-dir", - deyə xüsusi xidmət əlavə edib.
UTX əlavə edib ki, düşmənin hər gecə Ukraynanı terror etdiyi “Şahed”lərin saxlandığı anbarlar qanuni hərbi hədəflərdən biridir.
Bu, UTX dronlarının Rusiya Federasiyasındakı obyektlərə ilk effektiv hücumu deyil. Ukrayna mətbuatının verdiyi məlumata görə, iyulun 31-də UTX "quşları" Penzada radioelektronika zavodunu vurub. Xüsusi xidmətdəki mənbələrin sözlərinə görə, zavod Rusiya silahlı qüvvələrinin müxtəlif qolları - hava hücumundan müdafiə, artilleriya üçün avtomatik döyüş idarəetmə sistemləri istehsal edir.
İyulun 26-na keçən gecə UTX-nin uzaqmənzilli dronları Rusiyanın ən böyük radioelektronika istehsalçılarından biri olan Stavropoldakı “Siqnal” radiozavodunu vurub. “Siqnal” elektron döyüş texnikası, eləcə də radar avadanlıqlarının istehsalı üzrə ixtisaslaşıb.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
