Türkiyə xarici işlər naziri Hakan Fidan Ermənistan və Azərbaycan arasında sülh sazişinin paraflanması barədə açıqlama verib.
Sitat.info “Akşam” nəşrinə istinadən xəbər verir ki, H. Fidan bu barədə Qahirədə misirli həmkarı ilə mətbuat konfransında bəhs edib.
“Bizə əvvəlcədən məlumat verilmişdi, əldə edilən sülh vacibdir. Azərbaycan öz mübarizəsi ilə torpaqlarını azad etdi. İşğalın sona çatması sülhü zərurətə çevirdi. Qafqazda əldə olunan razılaşma mühüm hadisədir”, - türkiyəli nazir qeyd edib.
