Cebheinfo portalından alınan məlumata görə, ain.az xəbər verir.
Somalinin paytaxtı Moqadişuda qətl və sui-qəsd cinayətlərinə görə ölüm cəzasına məhkum edilən 3 Əş-Şəbab terrorçusunun cəzası icra edilib.
"Cebheinfo.az" xəbər verir ki, Somali Milli Televiziyasının (SNTV) xəbərinə görə, hərbi məhkəmə Aşağı Şabel bölgəsində qətl törətməkdə və sui-qəsdlər təşkil etməkdə təqsirli bilinən 3 Əş-Şəbab terrorçusu barəsində edam qərarı çıxarıb.
Əş-Şəbab terrorçuları Moqadişuda güllələnərək edam edilib.
Terrorçuların Qudama Həmzə Yusuf, Abdi Həsən Roble və İbrahim Omar Şama olduğu açıqlanıb.
Prezident Həsən Şeyx Mahmudun 2022-ci ildə vəzifəyə gəlməsindən sonra terrorla mübarizə çərçivəsində Əş-Şəbaba qarşı başladılan genişmiqyaslı əməliyyatlar davam edir.
Əş-Şəbab terror təşkilatı 15 ildən artıqdır ki, Somalidə mülki şəxsləri və təhlükəsizlik qüvvələrini hədəf alan hücumlar həyata keçirir. Təşkilatın fəaliyyətləri ölkədəki təhlükəsizlik mühitinə mənfi təsir göstərməyə davam edir.
Nigar Hacılı
"Cebheinfo.az"
Ən son xəbərləri və yenilikləri almaq üçün ain.az saytını izləyin.
