“Reuters” yazır ki, ABŞ prezidenti Donald Trampın təşəbbüsü ilə Vaşinqtonda Ermənistan və Azərbaycan liderlərinin iştirakı ilə keçiriləcək görüş zamanı çox mühüm sənəd imzalanacaq.
KONKRET.az-ın məlumatına görə, tərəflər Cənubi Qafqazda strateji nəqliyyat dəhlizinin inkişafını nəzərdə tutan çərçivə sülh sazişi imzalayacaqlar. Bu sazişə əsasən:
Ermənistan Zəngəzur dəhlizi üzərində ABŞ-a xüsusi və eksklüziv hüquqlar verəcək;
Bu dəhliz “Beynəlxalq sülh və rifah uğrunda Tramp Marşrutu” (TRIPP) adlandırılacaq;
Dəhliz Ermənistan qanunvericiliyinə uyğun fəaliyyət göstərəcək, lakin ABŞ bu ərazini subarendaya verərək dəhlizin tikintisi və idarəçiliyini beynəlxalq konsorsiuma həvalə edəcək.
Rəsmi mənbələr Reuters-ə bildiriblər ki, bu təşəbbüs bölgədə nəqliyyat əlaqələrinin və iqtisadi inteqrasiyanın gücləndirilməsi məqsədi daşıyır və ABŞ-ın Cənubi Qafqazdakı maraqlarının yeni mərhələyə keçdiyini göstərir.
Hazırda tərəflərdən rəsmi təsdiq gəlməsə də, bu iddia siyasi dairələrdə və medianın gündəmində geniş müzakirələrə səbəb olub.
Müşviq Tofiqoğlu
KONKRET.az
