Britaniyanın Bristol şəhərində aparılan planlı təmizlik zamanı kitab rəfində tapılan "Hobbit" romanının nadir ilk nəşri hərracda 43 min funt sterlinqə (təxminən 57 min dollar) satılıb.
Kulis.az xəbər verir ki, Con Tolkinin məşhur əsəri olan "Hobbit" romanının bu nüsxəsi 1937-ci ilin sentyabr ayında çap edilmiş 1500 ədədlik ilk tirajın bir hissəsidir və əvvəllər heç vaxt açıq satışda olmayıb.
Qeyd edək ki, Fentezi janrında yazılmış “Hobbit yaxud Oraya və Geriyə” əsəri bütün dövrlərin ən çox satılan kitablarından biridir – onun satış tirajı 100 milyon nüsxəni keçib.
