Ötən ay 118 nəfər zəhərlənib, onlardan 3-ü ölüb.
Bu barədə Kliniki Tibbi Mərkəzin baş toksikoloqu Azər Maqsudov “Xəzər Xəbər”ə müsahibəsində deyib. Toksikoloq zəhərlənmələrin əsasən hansı səbəbdən baş verdiyini də açıqlayıb.
Toksikoloq deyir ki, zəhərlənmə halları ən çox evdə yanlış şəraitində saxlanılan qidalardan baş verir.
Həkim deyir ki, zəhərlənmə əlamətləri ortaya çıxan kimi dərhal 103 Təcili Tibbi Yardım Xidmətinə zəng etmək lazımdır. Özbaşına müdaxilə və evdə müalicə cəhdləri vəziyyəti ağırlaşdıra bilər.
