Unikal "Ferrari 250 GTO Bianco Speciale" Florida ştatının "Mecum" auksionunda satışa çıxarılacaq.
Avtosfer.az auto.ru-ya istinadən xəbər verir ki, bu avtomobil "Maranello" fabrikində mirvari ağ rəngə boyanmış dünyada yeganə 250 GTO-dur.
Onu ikiqat "Formula-1" çempionu, britaniyalı yarış pilotu Qrem Hill idarə edib.
Ümumilikdə, "Ferrari" 1962-1964-cü illər arasında bu avtomobildən 36 ədəd istehsal edib.
Sonuncu dəfə "250 GTO" 2023-cü ilin noyabrında "Sotheby's" auksionunda italyan brendi üçün rekord qiymətə - 51,7 milyon dollara satılıb.
