Milli.az portalından verilən məlumata əsasən, ain.az bildirir.
Gecə yuxudan tez-tez oyanmaq problemi bir çox insanı narahat edir.
Milli.Az xəbər verir ki, bu vəziyyətin səbəbləri ilə bağlı nevroloq Stella Maris Valensi açıqlama verib.
Onun sözlərinə görə, belə halların əsas səbəblərindən biri ağır stress və sinir gərginliyidir.
Mütəxəssis bildirir ki, stres yuxu üçün həyati əhəmiyyət daşıyan hormonların səviyyəsini azaldır və bu, kabusların yaranmasına və yuxunun tez-tez bölünməsinə səbəb olur. Valensinin sözlərinə görə, yuxu pozuntuları yalnız psixoloji deyil, fiziki amillərlə də bağlı ola bilər.
Gecə oyanmalarına səbəb ola biləcək fiziki faktorlar:
Tez-tez sidiyə getmək ehtiyacı
Yuxu apnesi
Turşu reflüsü
Qarın bölgəsində artıq çəki
Soyuqdəymə və ya qrip
Yaşla bağlı dəyişikliklər
Otaqda narahat temperatur
Yuxu keyfiyyətini artırmaq üçün Valensinin tövsiyələri:Hər gün eyni saatda yatmaq və oyanmaq
Yataq otağında rahat temperaturu qorumaq
Axşam ağır və yağlı yeməklərdən uzaq durmaq
Gün ərzində kifayət qədər fiziki aktivlik
Yatmazdan əvvəl telefon və planşet kimi cihazlardan uzaq qalmaq
Alkoqoldan tamamilə imtina etmək
Nevroloq qeyd edir ki, bu sadə qaydalara əməl etməklə yuxunun bölünməsinin qarşısını almaq və daha dərin, rahat yuxuya nail olmaq mümkündür.
Kənan
Milli.Az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
