Yeniavaz portalından alınan məlumata görə, ain.az xəbər verir.
Qəzzadakı ərzaq böhranı fonunda qida çatışmazlığından ölənlərin sayı 96-sı uşaq olmaqla 193-ə çatıb.
Yeniavaz.com xəbər verir ki, bu barədə Fələstinin Səhiyyə Nazirliyi məlumat yayıb.
“Qəzza zolağında xəstəxanalar son 24 saat ərzində aclıq və qida çatışmazlığından 5 ölüm faktını qeydə alıb. Onlardan biri uşaqdır. Bununla da aclıqdan ölənlərin sayı 193-ə çatıb ki, onlardan 96-sı uşaqdır”, - məlumatda deyilir.
Qəzza zolağı rəsmilərinin son məlumatlarına görə, İsrail fələstinlilərə əhalinin ehtiyaclarının təxminən 14%-ni əhatə edən humanitar yardımın çatdırılmasını qismən bərpa etdikdən sonra iyulun 27-dən etibarən 769 yük maşınının yarımeklav ərazisinə daxil olmasına icazə verib. Qəzza zolağı administrasiyası iddia edir ki, yük maşınlarının əksəriyyəti İsrail hərbçilərinin razılığı ilə talan edilir.
Ən son xəbərləri və yenilikləri almaq üçün ain.az saytını izləyin.
