BAKI, 6 avqust. TELEQRAF
PKK bütün qolları və uzantıları ilə silahı yerə qoymalıdır.
Teleqraf xəbər verir ki, bu sözləri AKP-nin sözçüsü Ömər Çelik partiyanın Mərkəzi Qərar və İdarə Heyətinin toplantısında bəyan edib.
O, qanunsuz təşkilatların ləğv edilməli olduğunu vurğulayıb: "PKK-nın bütün uzantıları ilə silahı yerə qoymağa çağıran bu yanaşma ilə bağlı bəzi qeyd-şərtlər və etirazların olduğunu görürük. Bizim prinsipimiz, mövqeyimiz bəllidir. SDQ adlı PKK təşkilatının və Suriya hökumətinin bir fəaliyyət planı var idi: silahı yerə qoyub təslim olacaqlar".
Ömər Çəlik Suriyanın milli suverenliyini pozan yanaşmaların müşahidə olunduğunu qeyd edib: "Bu, qəbul etməyəcəyimiz bir şeydir".
AKP sözçüsü bildirib ki, Suriya hökuməti ilə SDQ arasında əldə olunan razılaşma həyata keçirilməsi mühüm məsələdir:
"Biz Terrorsuz Türkiyə prosesinin sabotaj edilməsinə icazə verməyəcəyik və lazım olanı edəcəyik".
