Almaniyanın “Frayburq” klubunun aparıcı hücumçusu Ritsu Doan yeni mövsümdən etibarən “Ayntraxt Frankfurt” formasını geyinəcək.
"Operativ Məlumat Mərkəzi-OMM" xəbər verir ki, bu barədə tanınmış insayder Fabrizio Romano sosial şəbəkə hesablarında məlumat yayıb.
Romano bildirib ki, hər iki klub 27 yaşlı yapon futbolçunun transferi üçün razılığa gəlib.
Müqavilənin ümumi dəyəri bonuslarla birlikdə 22 milyon avro təşkil edir və bütün sənədlər artıq imzalanıb.
Bu keçid yapon futbolçular arasında tarixdəki ən bahalı transferlərdən biri hesab olunur.
Ritsu Doan ötən mövsüm “Frayburq”un heyətində 36 oyuna çıxaraq 10 qol və 9 məhsuldar ötürmə ilə yadda qalıb.
