Noyabrın 4-dən 6-dək Bakıda Avropa ravvinlərinin nümayəndəli konqresi keçiriləcək. Qitənin hər yerindən 500-dən çox ravvinin iştirakı gözlənilir. Bu barədə “Jewish News Syndicate” yazır.
“Conference of European Rabbis” (Avropa Ravvinləri Konfransının) 70-ci ildönümünə təsadüf edən tədbir ilk dəfə müsəlman ölkəsində keçiriləcək.
İsrail KİV-lərinin məlumatına görə, forumda Azərbaycanın mümkün iştirakı ilə “İbrahim sazişi”nın genişləndirilməsi müzakirə olunacaq. Prezident İlham Əliyevin iştirakı gözlənilir.
Bakıda keçirilən əvvəlki konqres 2023-cü il oktyabrın 7-də HƏMAS-ın İsrailə hücumu səbəbindən ləğv edilmişdi.
Almaz Həsənli
