Navajo rezervasiyasında baş verən qəza nəticəsində dörd nəfər həlak olub...
Poliqon xəbər verir ki, ABŞ-ın Arizona ştatında yerləşən Navajo yerli tayfasına məxsus rezervasiya ərazisində hava təcili yardım xidmətinə məxsus kiçik təyyarə qəzaya uğrayıb. Hadisə nəticəsində göyərtədə olan dörd nəfər həyatını itirib.
İki mühərrikli təyyarə 5 avqust saat 12:40-da (Bakı vaxtı ilə 21:40) Çinl hava limanının yaxınlığında yerə çırpılıb və yanmağa başlayıb. Təyyarədə olan dörd nəfərin heç biri yerli sakin olmayıb. Onların həlak olması faktı rəsmən təsdiqlənib.
Təyyarə xəstəxanaya xəstə götürmək məqsədilə yola düşüb, lakin təyinat nöqtəsinə çatmamış qəza baş verib.
Hazırda qəzanın səbəblərini araşdırmaq üçün Milli Nəqliyyat Təhlükəsizliyi Şurası və Federal Mülki Aviasiya Administrasiyasının əməkdaşları hadisə yerinə cəlb olunub. Qəzanın dəqiq səbəbi hələlik müəyyənləşdirilməyib.
Poliqon.info
