Nüvə silahları da daxil olmaqla digər silahlar istehsal edən ölkələr bunun əvəzinə dialoqa getməli və öz təhlükəsizliklərini qurmaq üçün etimad münasibətləri yaratmalıdırlar.
"Report"un xəbərinə görə, bunu Xirosima şəhərinin meri Kazumi Matsui Amerikanın bu şəhərə atom bombası atmasının 80 illiyi ilə bağlı keçirilən anım mərasimində çıxışı zamanı deyib.
"Dünyanı idarə edənlər. Nüvə silahı da daxil olmaqla, silah istehsal edən ölkələrin bir-biri ilə konstruktiv dialoq aparmağa borclu deyilmi?" O, dünya liderlərini atom silahından istifadənin nəticələrini öz gözləri ilə görmək üçün Xirosimaya səfərə dəvət edib. “Siz öz təhlükəsizliyinizi qurmaq üçün etimad münasibətlərinin qurulmasına yönəlmiş dialoqa başlamalısınız”, - o əlavə edib.
Matsui ABŞ və Rusiyanın dünyanın nüvə arsenalının təxminən 90 %-nə sahib olmaqda davam etməsindən narahatlığını ifadə edib. Xirosima meri həmçinin Yaxın Şərqdə vəziyyətin pisləşməsindən narahat olduğunu bildirib. “Dünyada silahlanma prosesi sürətlənir”, - o əlavə edib.
