Pop musiqisinin əfsanəsi Maykl Ceksona məxsus nadir əşyalardan biri - ağ qaya bülluru ilə bəzədilmiş səhnə corabları Fransanın cənubunda keçirilən hərracda 7688 avroya (təxminən 8911 ABŞ dolları) satılıb.
Milli.Az xəbər verir ki, corab 1997-ci ildə Ceksonun HIStory dünya turu çərçivəsində Nim şəhərindəki konsertindən sonra səhnə arxasında texniki işçi tərəfindən tapılıb.
Hərrac evi bu nadir əşyanın 3000-4000 avro aralığında alıcı tapacağını gözləyirdi. Lakin pərəstişkarların böyük marağı nəticəsində corab gözləniləndən iki dəfəyə yaxın baha qiymətə satılıb.
Bu satış, Maykl Ceksonun şəxsi əşyalarına olan tələbatın hələ də yüksək olduğunu bir daha sübut edir. Xatırladaq ki, 2009-cu ildə onun məşhur parıltılı əlcəyi 350 min dollara, 2023-cü ildə isə səhnədə istifadə etdiyi fedora şapkası 80 min dollardan artıq qiymətə satılmışdı.
Milli.Az
Məqaləyə dair fotomateriallar:
