Finss.az - Azərbaycanda mühasibat sahəsində fəaliyyət göstərən bir sıra şirkətlər yeni iş elanları yayımlayıb. Əmlak, tikinti və xidmət sektorunda çalışan qurumlar təcrübəli və bacarıqlı mühasibləri komandalarına cəlb etməyə hazırdır.
Əmlak və kurort xidmətləri sahəsində fəaliyyət göstərən "Sea Breeze Resort" satış üzrə mühasib axtarır. Şirkət namizədlərdən tikinti və MTK sahəsində təcrübə, həmçinin ERP və 1C proqramlarında işləmə bacarığı tələb edir. Müraciətlər [email protected] ünvanına göndərilə bilər.
"ModulX" şirkəti isə vergi hesabatlarının və DSMF sənədlərinin hazırlanmasını bacaran mühasib vakansiyası elan edib. Vakansiya tikinti sahəsində təcrübəsi olan namizədlər üçün nəzərdə tutulub. CV-lər [email protected] elektron ünvanına göndərilməlidir.
Ticarət sektorunda fəaliyyət göstərən "Can-Pa" şirkəti də mühasib vəzifəsinə namizədləri işə dəvət edir. İş yeri Abşeron rayonu ərazisində yerləşir. Müraciət üçün [email protected] ünvanına və ya +994 51 240 95 68 nömrəsinə (WhatsApp vasitəsilə) müraciət etmək mümkündür.
"Nur Collection" geyim mağazaları şəbəkəsi 600–800 AZN arası əmək haqqı təklif etdiyi mühasib vəzifəsi üzrə işçi axtarır. Namizədlər 1C proqramı və bank əməliyyatları sahəsində təcrübəyə malik olmalıdır. Əlaqə üçün [email protected] ünvanına yazmaq kifayətdir.
"Boulevard 1909" restoranlar şəbəkəsi isə baş mühasib vakansiyası elan edib. Vəzifəyə müraciət edənlərdən minimum 5 il iş təcrübəsi və maliyyə sahəsində dərin biliklər tələb olunur. Müraciətlər [email protected] ünvanına göndərilə bilər.
Ümumilikdə, elan olunan vakansiyalarda əmək haqqı 600 AZN-dən başlayaraq, namizədin təcrübəsinə və vəzifənin məsuliyyət səviyyəsinə uyğun olaraq dəyişir. İşə qəbul olmaq istəyənlər göstərilən əlaqə vasitələri ilə müraciət edə bilərlər.
