2010-cu ildən fəaliyyət göstərən və indiyədək 1,1 milyon kvadratmetrdən artıq tikinti işləri görən “Avant Group”un son illərdə Özbəkistanda da fəallığı artıb. Bu ölkənin Nazirlər Kabinetinin 1 avqust tarixli qərarı ilə Daşkənd vilayətinin Bostanlıq rayonundakı Çarvak su anbarının sahilində “Sea Breeze Uzbekistan” bütün mövsümlük kurort kompleksinin yaradılması üzrə investisiya layihəsinin həyata keçirilməsi tədbirlərini təsdiqləməsi də deyilən fikrin bariz ifadəsidir.
Sənədə əsasən, Özbəkistanın İnvestisiyaların cəlb edilməsi, sənayenin inkişafı və ticarətin tənzimlənməsi üzrə Hökumət Komissiyası “Agalarov Development” qurumunun iştirakı ilə təsis olunan “Sea Breeze Uzbekistan” şirkətini “Sea Breeze” Azərbaycan brendinin – 577 hektar sahədə gerçəkləşdiriləcək layihənin qalibi elan edib.
