Telegram messenceri ilk dəfə olaraq istifadəçinin şəxsi hesabını yoxlayıb...
Poliqon xəbər verir ki, bu barədə “Durova Code” portalı məlumat yayıb.
Müvafiq nişanı Telegram-ın həmtəsisçisi Pavel Durov alıb. Yoxlama işarəsi onun şəxsi profilində adının solunda, eləcə də onunla dialoq zamanı görünür. Bundan əlavə, Durovun hesabında istifadəçinin rəsmi olaraq yoxlanıldığı barədə ingilis dilində bildiriş peyda olub.
Aprel ayında Telegram messencerində sahibləri Rusiya Rabitə, İnformasiya Texnologiyaları və Kütləvi İnformasiya Vasitələrinə Nəzarət Federal Xidmətinin (Roskomnadzor) reyestrində qeydiyyatdan keçmiş kanalların markalanması üçün yeni sistem istifadəyə verilib. Yenilik istifadəçilərə qeydiyyatdan keçmiş kanalları tez müəyyən etməyə, reklamçılara isə yerləşdirmə üçün saytlar seçməyə imkan verəcək.
Messencerdə müvafiq işarələmə tətbiq olunmazdan əvvəl kanalına 10 mindən çox insan abunə olan istifadəçilər kanallarının təsvirinə qeydiyyat nömrəsi və ya reyestrə keçid daxil etməli idilər.
Poliqon.info
