Hindistanın ən böyük dövlət neft və qaz şirkəti olan “Indian Oil Corp” (IOC) sentyabrda ABŞ, Kanada və Yaxın Şərqə çatdırılmaq üçün 7 milyon barel neft alıb. Bu barədə avqustun 4-də öz mənbələrinə istinadən “Reuters” məlumat yayıb.
IOC ən çox nefti ABŞ-dan alıb – 4,6 milyon barel “WTI Midland” nefti, 500 min barel “WCS” nefti Kanadadan, 2 milyon barrel “Das” nefti isə Abu Dabidən alınıb. “Reuters” müqavilələrin qiymətini öyrənə bilməyib.
Agentliyin ekspertləri qeyd edirlər ki, Şimali Amerika və Yaxın Şərqdə xammalın belə böyük spot alışı ABŞ prezidenti Donald Trampın üçüncü ölkələrdən Rusiya neftini almağı dayandırmağı tələb etməsindən qısa müddət sonra baş verib, qanunu pozanları 100% ikinci dərəcəli rüsumlarla hədələyib. Agentliyin mənbələri bildiriblər ki, ABŞ, Kanada və Əbu-Dabidəki alışlar Rusiya neftini qismən əvəz etmək üçün edilib.
Bununla belə, “Nayara Energy” və “Reliance Industries” kimi iri özəl Hindistan şirkətləri, “Bloomberg”-ə görə, Rusiya neftini almağa davam edir və ötən həftə sonu milyonlarla barel neft alıb.
Almaz Həsənli
