Ukrayna və Rusiya İstanbulda keçirilən danışıqların üçüncü raundundan sonra 1200 əsirin mübadiləsi barədə razılığa gəliblər.
Hakimiyyet.az xəbər verir ki, bunu Ukrayna prezidenti Volodimir Zelenski Telegram kanalında deyib.
Prezident aparatının rəhbəri Andrey Yermak, Milli Təhlükəsizlik və Müdafiə Şurasının katibi Rustem Umerovla görüşdüyünü vurğulayan Zelenski qeyd edib ki, Rusiya tərəfi ilə İstanbulda keçirilən görüşlərdə əldə olunan razılaşmaların həyata keçirilməsi və yeni görüşə hazırlıq məsələləri müzakirə olunub.
"Əsas məsələlər arasında əsirlərin mübadiləsinin davam etdirilməsi də var. 1200 nəfərin mübadiləsi ilə bağlı razılaşma var və siyahılar üzərində iş davam edir. Milli Təhlükəsizlik və Müdafiə Şurasının katibi Rusiya nümayəndəsi ilə ünsiyyət barədə məlumat verib", - Zelenski vurğulayıb.
Zelenski həmçinin mülki şəxslərin geri qayıtması üçün işlərin getdiyini bildirib.
Mürtəza
