Müəllif: Tamara Mustafayeva, Banco.az
Çin ABŞ-ı müdafiə sənayesinə kiberhücumlar etmək üçün “Microsoft Exchange” sistemlərindəki zəifliklərdən istifadə etməkdə ittiham edib.
Banco.azxəbər verir ki, Çin, ABŞ-ı “Microsoft Exchange” sistemlərindəki boşluqlardan istifadə edərək ölkənin müdafiə sənayesinə qarşı kiber hücumlar təşkil etməkdə ittiham edib.
Çin Kiber Təhlükəsizlik Assosiasiyası tərəfindən verilən açıqlamada bildirilib ki, ABŞ mənşəli qurumlar “Microsoft Exchange” sistemlərindəki təhlükəsizlik boşluqlarından istifadə edərək Çin müdafiə sənayesinə qarşı iki böyük kiber casusluq əməliyyatının arxasında dayanıb.
Açıqlamada hücum edilən şirkətlərin adları açıqlanmasa da, həyata keçirilən əməliyyatların Çin müdafiə sənayesini birbaşa hədəf aldığı və bu sahədə fəaliyyət göstərən mühüm bir şirkətin serverlərinin təxminən bir il müddətində ABŞ nəzarətində qaldığı qeyd olunub.
Pekində yayımlanan açıqlamada bu hücumların arxasında duran qurumların ABŞ hökumətinə bağlı olduğuna dair “güclü texniki sübutların” mövcud olduğu da vurğulanıb.
Bizi sosial şəbəkələrdən izləyin!!
