BAKI, 3 avqust. TELEQRAF
"Ford Motor Company" avqustun 11-də Kentukki ştatında yeni nəsil elektrikli avtomobillərini təqdim edəcək.
Teleqraf xəbər verir ki, bunu şirkətin baş direktoru Cim Farli şirkətin ikinci rüb üzrə mənfəət hesabatı zamanı bildirib.
“Biz ABŞ-yə mütərəqqi platforma və elektrik avtomobilləri gətirmək planlarımızı paylaşacağıq” - Cim Farli bildirib.
Platforma həmçinin "Bronco", "Ranger" və "Mustang" modellərində proqram təminatı ilə idarə olunan xüsusiyyətlərin təqdim edilməsinə imkan verəcək elektron sistemləri birləşdirəcək.
Yeni platformada ilk istehsal 2027-ci ildə istismara veriləcək. Bu, orta ölçülü elektrik yük maşını olacaq.
