BAKI. 2 avqust. TELEQRAF
ABŞ Prezidenti Donald Tramp və digər tanınmış respublikaçıların açıqlamalarından sonra federal rəsmilər ABŞ-nin keçmiş xüsusi prokuroru Cek Smit haqqında təhqiqata başlayıb.
Teleqraf "NBC News"a istinadən xəbər verir ki, Cek Smitin "hökumət rəsmiləri tərəfindən müəyyən siyasi fəaliyyətləri qadağan edən Hatch Aktı"nı pozduğunu müstəqil federal agentlik olan ABŞ-ın Xüsusi Müşavirlər Bürosu da təsdiqləyib.
Müstəqil agentliyin Hatch Aktını pozan hər kəsi cinayət məsuliyyətinə cəlb etmək və ya təqib etmək səlahiyyəti yoxdur, lakin o, federal hökumət işçisinə qarşı dövlət qulluğundan işdən çıxarılma kimi intizam tənbehi tədbirləri görə bilər və ya Hatch Aktı pozuntularına dair tapıntılarını araşdırma üçün Ədliyyə Departamentinə göndərə bilər.
